PNR General Manager, 4 pa guilty sa 'grave misconduct'

MANILA, Philippines - Pinasisibak sa tanggapan ng Ombudsman ang ge neral manager ng Philippine National Railways (PNR) at apat na opisyal matapos masangkot sa anomalya sa pagbili ng lupa ng ahensiya noong 2002.

Sa 50-pahinang desisyon na inaprubahan ni Overall Deputy Ombudsman Orlando Casimiro, napatunayan nilang guilty sa kasong grave misconduct sina Jose Ma. Sarasola II , General Manager ng PNR at mga board of Directors ng ahensiya na sina Felipe Siapno, Primitivo Cal, Waldo Flores at Antonio Bernardo.

Bukod sa pagpapasibak sa tungkulin, ipinag-utos din ng Ombudsman ang pag-alis ng lahat ng retirement benefits ng mga akusado at hindi  na rin sila papayagan na makapasok sa alinmang tanggapan ng gobyerno.

Inabsuwelto naman ng Ombudsman sa kaso ang Chairman of the Board ng PNR na si Jose Cortez.

Si Sarasola ay matagal nang sinibak sa PNR sa panahon ng Arroyo government habang si Cortez, na dating Northrail president, ay ilang taon na ring namayapa.

Nag-ugat ang kaso sa umanoy illegal na bentahan ng lupang pag aari ng PNR sa barangay Poblacion Dagupan City dahilan sa umanoy hindi ito dumaan sa public bidding.

SSS assets sinimulang ibenta

MANILA, Philippines - SInimulan nang ibenta ng Social Security System (SSS) ang 660 acquiredproperties sa housing fair ng ahensiya na nagsimula noong October 1.

Ayon kay  SSS President at Chief Executive Officer Emilio de Quiros Jr., payag silang tumanggap ng  affordable five percent down payment para sa  SSS’ houses and lots na kanilang binebenta sa halagang  P90,000 sa kanilang Housing Fair 2010  sa SM Megamall sa  Mandaluyong City.

Ang SSS ay nagkakaloob ng mababang annual interest rates na  6 percent para sa  house and lots na may halagang P500,000 at mas mababa pa at  9 percent  sa mga properties  na mas mataas dito ang halaga. Magbibigay naman ang SSS ng 10 % sa mga  buyers na magbabayad ng cash. Kabilang sa  SSS assets ang mga foreclosed properties.

Nilinaw din ni de Quiros na payag din ang SSS sa maximum payment term  na 10 taon at ang  buyers ay maaa ring magbayad hanggang makaabot ito ng 70-anyos.

Ang housing fair na may temang “Gaganda ang Buhay sa Sariling Bahay” ay naka-feature din ang mga properties ng ilang ahensiya ng pamahalaan tulad ng Housing and Urban Development Coordinating Council, National Housing Authority, Home Development Mutual Fund, Government Service InsuranceSystem, Bangko Sentral ng Pilipinas at SSS.

Private hospitals nanawagan sa Philhealth ukol sa mabagal na bayad

MANILA, Philippines - Nanawagan ang Private Hospitals Association of the Philippines (PHAP) sa pamunuan ng Philippine Health Insurance Corp. (Philhealth) na ayusin ang pagbabayad nito sa mga ospital.

Ayon kay PHAP President Dr. Rustico Jimenez, matapos ang dalawang buwan pagkalabas ng isang pasyente sa ospital na gumamit ng Philhealth card, dapat na ring  bayaran ng  Philhealth ang   ospital.

Subalit  sa kasalukuyan ay umaabot sa anim o pitong buwan ang itinatagal ng  pagbabayad ng Philhealth.

Pinayuhan din ni Jimenez ang Philhealth na ipaalam sa  publiko na isang taon lang ang validity ng Philhealth card.

Samantala, simula sa  Oktubre 12, magiging P2,400 na kada taon mula sa dating P1,200 kontribusyon sa Philhealth ng mga self-employed at professionals.

Sinabi ni Dr. Rey Aquino, Director at Chief Executive Officer (CEO) ng Philhealth,  sakop nito ang mga self-employed at mga professional tulad ng mga doktor, nurse, abogado, architect at iba pang may family income na P25,000 kada buwan pataas.

Hinikayat ni Aquino ang mga hindi pa nagpaparehistro sa Philhealth na humabol hanggang Oktubre 12 para hindi abutin ng nasabing pagtataas.

Hindi naman sakop sa nasabing pagtataas ang mga employed o mga mayroong pinagtatrabahuhang kumpanya.

Dayalogo baka maudlot dahil sa 'nanggugulo'- Lacierda

MANILA, Philippines - Naniniwala ang Malacañang na ang patuloy na mga banta ng ilang lider ng Simbahang Katoliko ay posibleng makadiskaril sa planong dialogue ni Pangulong Benigno Aquino III sa Catholic Bishop Conference of the Philippines (CBCP).

Sinabi ni Presidential Spokesman Edwin Lacierda, mas makakabuting manatiling kalmado at iwasan ang pagbibigay ng mga komento na lalo lamang magpapalala sa tension sa pagitan ng gobyerno at CBCP sa isyu ng responsible parenthood.

Ayon kay Sec. Lacierda, dapat ay manatiling kalmado ang lahat at iwasan na ang pagbibigay ng mga kuro-kuro o patuloy na pagbabanta sa gobyerno kaugnay sa isyu ng responsible parenthood na sinusuportahan ni Pangulong Aquino at sa nakasalang na Reproductive Health bill sa Kamara.

Aniya, nagkaroon na ng inisyal na dayalogo si Pangulong Aquino sa CBCP at inaayos na ang mas malaking dialogue sa pagitan ng gobyerno at CBCP ukol sa isyu.

Magugunita na sinabi ni Fr. Juanito Figura, secretary-general ng CBCP, na opsyon pa rin ng Simbahan ang civil disobedience sakaling suportahan ni P-Noy ang RH bill.

Kapag naging legal ang jueteng, baka sumunod ang prostitusyon - Bishop Cruz

Naniniwala si retired Archbishop Oscar Cruz na sakaling matuloy ang legalisasyon ng jueteng ay magbibigay-daan ito upang maging legal na rin ang iba pang illegal na gawain sa bansa tulad ng aborsiyon, prostitusyon, illegal na droga at iba pa.

Ayon kay Cruz, da ting pangulo ng Catholic Bishops’ Conference of the Philippines (CBCP), ang naturang panukalang gawing legal ang jueteng ay patunay rin aniya ng kawalan ng pamahalaan ng kakayahan na sugpuin ito, gayundin ng kawalan ng moral strength ng gobyernong Aquino.

Aniya, kung gagawing legal ang jueteng dahil hindi masugpo ay baka maging legal na rin sa mga susunod na panahon ang abortion, prostitution at iba pang gawaing illegal.

Nauna rito, muling umi nit ang isyu sa jueteng matapos na ibunyag ng arsobispo na ilang government officials na malapit kay Pangulong Benigno Simeon Aquino III ang tumatanggap ng milyun-milyong monthly payola mula sa mga jueteng lords.

Magugunita na nag hain naman ng panukala si Sen. Jinggoy Estrada na gawing legal na lamang ang jueteng.

Eco-Tourism pauunlarin ni Zambales Gov. Ebdane

   IBA, Zambales, Philippines — Isinusulong ni Zambales Gov. Hermogenes Ebdane Jr. ang industriya ng turismo upang maging pangunahing eco-tourism destination ang nabanggit na lalawigan sa mga susunod na taon.Saklaw ng eco-tourism destination ay ang pagpapaunlad ng natural attractions tulad ng mga dalampasigan, ilog, lawa, kuweba at kagubatan sa may 13 bayan sa lalawigan ng Zambales. Ang dalampasigan ng Zambales na may habang 170-kilometro kung saan may mga sandy beach na ideyal na paliguan at mga water sports gayundin ang ilang secluded cove para naman sa mga camper, maging ang mga coral reefs para naman sa recreational diving. Napag-alamang nag-scuba dive si Gov. Ebdane sa Hermana Menor Island sa bayan ng Sta. Cruz upang personal na tingnan ang potensyal na tourism destination. Sa paglilibot pa rin ni Ebdane, natukoy ang iba pang tourist spots tulad ng mga kuweba sa mga bayan ng Candelaria at Sta. Cruz at maging ang white water rafting sa bulubunduking komunidad ng Coto sa bayan ng Masinloc. Sa naging pahayag naman ni Sta. Cruz Mayor Luisito Marty, ang mga coral reef sa paligid ng isla ay tinamnan ng mga giant clams at ang bahura ay napakalawak at may mga colorful reef. “Maisusulong ang mga tourism program sa Zambales kung maisasakatuparan ang konstruksyon ng Botolan-Capas Road na mag-uugnay sa Zambales at Tarlac gayundin ang Sta. Cruz-Mangatarem Road na magdurugtong naman sa Pangasinan,” pahayag ni Ebdane.                                          

Kakulangan sa power ang sanhi ng brownout sa Mindanao

Nilinaw kahapon ng National Grid Corporation of the Philippines (NGCP) na wala sa transmission ang problema sa kakulangan ng kuryente sa Mindanao kundi dahil sa kulang ang supply ng kuryente sang-ayon na rin sa National Power Corporation (Napocor).

Ayon kay Cynthia Pe rez Alabanza, ang kakulangan sa general supply ang sanhi ng brownout sa Mindanao at hindi dahil sa transmission.

Wika pa ni Alabanza, ang short-term solution sa pangkasalukuyang problema ng supply sa Min danao ay ang paglalabas ng kuryente ng mga power generators o producers bilang baseload supply.

Idinagdag pa ni Alabanza na pwede naman pagkasyahin ang pinagsamang output ng mga po wer producers sa Mindanao para i-supply ang buong pangangailangan nito sa kuryente ngunit mayroong artificial shortage sa kasalukuyan dahil ang ilan sa mga kuryente ay inilalabas ng mga generator o producer bilang ancillary services, na mayroong mas mataas na selling rate, sa halip na i-offer ito bilang generation capacity.

Sa isang meeting kay Energy Secretary Jose Rene Almendras, iniulat ng NGCP ang tunay na power supply situation sa Mindanao, base sa datos mismo ng Napocor ukol sa available energy nomina ted na siyang nagbibigay indikasyon sa supply deficiency.